Chicago

Chicago
Bandera de Chicago (es)
Alministración
País	Estaos Xuníos
Estaos	Illinois
Condáu	condáu de Cook
Tipu d'entidá	ciudad de Illinois (es) [1]
Alcalde de Chicago	Brandon Johnson (Partíu Demócrata)
Nome oficial	City of Chicago (en)[2]
Nome llocal	Chicago (en)
Códigu postal	60601–60827
Xeografía
Coordenaes	41°51′00″N 87°39′00″W / 41.85003°N 87.65005°O / 41.85003; -87.65005
Chicago Chicago (los EE.XX.)
Superficie	606.424 km²
Altitú	179 m[3]
Llenda con	Park Ridge (es) , Oak Park (es) , Evanston, Blue Island (es) , Skokie (es) y Des Plaines (es)
Demografía
Población	2 746 388 hab. (1r abril 2020)
Porcentaxe	100% de condáu de Cook
Densidá	4528,82 hab/km²
Viviendes	1 081 143 (31 avientu 2020)
Más información
Prefixu telefónicu	872, 312 y 773
Estaya horaria	UTC−06:00 (horariu estándar) UTC−05:00 (horariu de branu)
Llocalidaes hermaniaes	Kiev, Vilnius, Lucerna (es) , Accra, Casablanca, Durban, Bogotá, Ciudá de Méxicu, Toronto, Amán, Busan, Delhi, Lahore, Osaka, Petah Tikva, Shenyang, Atenes, Belgráu, Birmingham, Galway, Göteborgs, Hamburgu, Milán, Moscú, Praga, Varsovia, São Paulo, Karachi, Belo Horizonte, Kiryat Gat, Antalya, Los Mochis (es) , París, Shanghai, Sydney, Nueva Delhi y Manama
chicago.gov

Chicago ye una ciudá del estáu d'Illinois (Estaos Xuníos). Ye la cabecera del condáu de Cook y, colos sos 2,7 millones d'habitantes, la mayor ciudá del so estáu y de tol Mediu Oeste. El so área metropolitana, que avecen a llamar Chicagoland, ye, colos cuasi diez millones d'habitantes, la tercera mayor d'Estaos Xuníos^[4] .

Chicago algamó l'estatutu urbanu en 1837, y la so situación estratéxica, na divisoria de les agües de los Grandes Llagos y el ríu Mississippi, fízo-y medrar rápidamente a mediaos del sieglu XIX^[5]. Anguaño la ciudá ye un nucleu financieru y comercial internacional, amás d'un centru industrial, teunolóxicu y de telecomunicaciones. Ye, tamién, un nudu de tresportes perimportante: el so aeropuertu internacional O'Hare ye'l de mayor tráficu del mundu, y ye tamién la ciudá d'Estaos Xuníos con mayor númberu d'autopistes y la primera por carga tresportada per ferrocarril. En 2012 foi considerada como una ciudá global alpha pola Rede d'Investigación de la Globalización y les Ciudaes del Mundu (Globalization and World Cities Research Network)^[6], y el Global Cities Index de 2014 considerábala la séptima ciudá más importante del mundu^[7]. En 2012 la ciudá tenía el tercer mayor productu interior brutu de toles árees metropolitanes d'Estaos Xuníos^[8].

En 2014 la ciudá recibió 50,2 millones de visitantes^[9]. La so cultura inclúi contribuciones a les artes visuales, la novela, el cine, el teatru (especialmente na comedia d'improvisación) y la música, na que rescamplen el jazz, el blues, el soul y la música house. La ciudá, que tien equipos deportivos en toles principales lligues profesionales del país, tien dellos nomatos, que reflexen les opiniones sobro la Chicago antigua y contemporánea. Ente ellos rescamplen los de Windy City (ciudá ventosa) y The Second City (la segunda ciudá)^[10].

1. ↑ «Encyclopedia of Chicago» (inglés). Consultáu'l 13 avientu 2021.
2. ↑ URL de la referencia: https://www.chicago.gov/city/en/about/history.html. Data de consulta: 25 xunu 2021.
3. ↑ Identificador GeoNames: 4887398.
4. ↑ «Annual Estimates of the Resident Population: April 1, 2010 to July 1, 2014». U.S. Census Bureau, Population Division. Consultáu'l 27 de xunetu de 2015.
5. ↑ Metropolitan growth, entrada de la Encyclopedia of Chicago
6. ↑ «The World According to GaWC 2012». Globalization and World Cities Research Network. Consultáu'l 27 de xunetu de 2015.
7. ↑ «2014 Global Cities Index». A.T. Kearney. Consultáu'l 27 de xunetu de 2015.
8. ↑ «GDP by Metropolitan Area, Advance 2012, and Revised 2001–2011». U.S. Bureau of Economic Analysis (17 de setiembre de 2013). Consultáu'l 27 de xunetu de 2015.
9. ↑ Chicago supera los 50 millones de visitantes (noticia na web de la NBC de Chicago (5 de febreru 2015
10. ↑ Sarah S. Marcus. «Chicago's Twentieth-Century Cultural Exports». The Electronic Encyclopedia of Chicago. Consultáu'l 27 de xunetu de 2015.